NOTICIAS

2014-03-26
ANTZERKI EGUNEKO MEZUA 2014
Gizartea dagoen tokietan,antzezpenaren muingaitzetsiezina azaltzen da. herri txikietako arbolapetan, eta metropoli globaletako eszenatoki erabat teknifikatuetan, eskoletako korridoreetan eta soroetan eta tenpluetan, auzoetan,plaza publikoetan, zentro komunitarioetan eta barrualdeko hirietakosotoetan, gure giza konplexutasuna, gure aniztasuna, gure ahultasuna,haragitan, eta hatsa eta ahotsa agertzeko sortzen dugun antzerkiareniraizeko mundua partekatzera erakartzen da jendea. Negar-zotinka aritzeko eta gogoratzeko, barre egiteko eta begiratzeko, ikasteko eta baieztatzeko eta imajinatzeko batzen gara. Trebezia teknikoaz txunditzeko eta jainkoak antzezteko. Gure hats kolektiboa edertasunerako eta errukirako eta izugarrikeriarako dugun abilezian harrapatzeko. Geure burua adoretzera eta ahalduntzera gatoz. Gure kultura ugarien aberastasuna ospatzeko eta banantzen gaituzten mugak barreiatzeko. Gizartea dagoen tokietan, antzezpenaren muin gaitzetsiezina azaltzen da. Jendartean sortuaizanik, gure tradizio anitzen mozorroak eta janzkiak daramatza. Gure mintzairak eta erritmoak eta keinuak darabiltza, eta tarte bat argitzen du gure artean. Eta guk, antzinako espiritu horrekin lanean dihardugun artistok, geure bihotzen, geure ideien eta geure gorputzen bitartez bideratzeko premia dugu, geure errealitateak mundutartasun osoz eta misterio dirdiratsuz plazaratzeko. Baina gaur egun milioika lagun ari dira borrokan iraun ahal izateko, nozitzen daude erregimen zapaltzaileen eta kapitalismo ankerren mende, iheslari dira gatazketan eta ezbeharretan,gure bizitza pribatuan sartzen dira zerbitzu sekretuak eta gure hitzak mozten dituzte gobernu muturluzeek, oihanak hondatzen dituzte, espezieak suntsitzen eta itsasoak pozoitzen. Egoera horretan, zer plazaratzeko premia dugu? Botere ezberdineko mundu honetan ordena hegemonikoek sinestarazi nahi digute nazio bat, arraza bat, genero bat, preferentzia sexual bat, erlijio bat, ideologia bat, marko kultural bat beste batzuen gainetik dagoela. Benetan defenda daiteke arteak katerik paratu behar duela agenda sozialen aurrean? Gu, hareetako eta eszenatokietako artistok, konforme al gaude merkatuaren eskari antzuekin, edo geure ahalmenaz baliatu behar dugu: gizartearen bihotz-buruetako espazioa garbitzekoaz alegia, jendea gure inguruan biltzeko, inspiratzeko, sorgintzeko eta informatzeko eta itxaropenezko eta lankidetza eskuzabaleko mundua sortzeko? BRETT BAILEY

Ver todas las NOTICIAS