ALBISTEAK

COVID-19gatik sortutako osasun larrialdia dela eta EABk, Euskal Aktoreen Batasunak, gure arloan eman diren hainbat egoera, gure iritziz larriak eta ardura handikoak, salatu nahi ditugu.

Lehenengo egoerak ETBren azken ekoizpenarekin du zerikusia, “Alardea”, Mediaprok eta K2000k entearen lehen katearentzat ekoizten ari zirena. 

1. Iñigo Urkullu lehendakariak Euskadin osasun larrialdi egoera ezarri eta hurrengo egunean, larunbata 14, eta Espainiako  Presidenteak, Pedro Sanchezek eman zuena baina ordu batzuk lehenago, lantaldeak jakin zuen hiru pertsona gaixorik zeudela coronavirusaren sintomakin. Ekoizpeneko arduradunek ez zieten ez aktoreei ez eta lantaldeko gainontzeko langileei egoera honen berri eman. Informazio gabezia honek ardura eta beldur egoera sortzen du lantaldean, ekidin zitekeen zerbait ekoizpena bertan behera utziz, beste ekoizpen batzuekin egin zen bezala. Egoera hau igandeak 15ko gaueko 21:30ak arte luzatzen da, ekoizpena bertan behera uzten dela komunikatzen denean, asteburu osoan langileak guztiz alperrikako urduritasun eta estres egoeran utziz, arriskuan ipintzeaz gain lantalde osoaren eta haien inguruaren osasuna. Gaurko egunez hamar lagun gaixorik daudela ziur dakigu, eta haietako bat positibo bezala diagnostikatua izan da. Baina gertaera honen berri ez da oraindik ekoizpenaren arduradunen aldetik eman kutsatuta egon zitezkeenak beharrezko neurriak hartu ditzaten. 
2. Azaldutako egoera honen aurrean, noren ardura zehatza zen grabaketa bertan behera uztea ez dakigun arren, ETB, Mediapro eta K2000 salatu nahi ditugu arduragabekeria eta enpatia ezagatik. Besteak beste, erabaki honek edo erabaki ezak arrisku egoeran ipini duelako lantaldeko osasuna eta bizia.

Salatu nahi dugu, halaber, informatiboak ez diren saio batzuk ETBren aldetik jasandako presioa astelehenak 15n saio horien ekoizpena ez eteteko, beste behin ere langileen osasuna eta bizia arriskuan ipiniz.

Eta azkenik, salatu ez bada ere, bai adierazi nahi dugu ez zaigula bidezkoa iruditzen, hori egiteko eskubide osoa badu ere, ETBk gerora emititzeko dohako edukiak sortzeko luzatutako deialdia, ahaztuz, gainontzeko langileak bezalaxe artistek bere lanaren truke soldata bat jasotzeko duten eskubidea. Eta lan horiek dohainik egiteko erabakia haiena besterik ez denean. Gizartean bizi den larrialdi eta isolamendu egoera hau probestea musutruk lan egin dezagun ez zaigu inolaz ere onargarria iruditzen, batez ere, azken hamarkadan arloak bizi izan duen lan egoeraren aurrean haien ardura hutsaren hurrena izan denean.

Zuzendaritza Batzordea