IKASTAROAK

PELLO GUTIERREZ PEÑALBA zinemagilearen ZINEMA-ANTZEZTE MINIMALISTA ikastarorako deialdiarekin gatozkizue. Euskeraz izango dira saio guztiak.

Aurtengo Zinemaldian ERREPLIKA dokumentala arrakasta haundiz aurkeztu ondoren, Pellok EABko afiliazioari tarte bat egin dio ikusentzunezko formakuntzan sakontzen jarraitzeko aukera baliotsu honekin. Bere hitzetan:

“ Zinema minimalistaren estiloa eta formak hartuta, keinu eta expresio gutxien bitartez pertsonaiaren barne-mundua exploratzeko modu baten bilaketan lan egingo dugu. Kamera salatariak antzezlearen pentsamendu eta sentimenduak islatzen ditu, antzezleak kanpora azaldu beharrik gabe. Chantal Akerman, Andrei Tarkovski, Aki Kaurismaki, Roy Andersson, Ingmar Bergman, Liv Ullmann edo beste hainbat zinegileren obrak aztertuko ditugu, eta haietatik abiatuta, gure izaerari lotuagoak dauden egoera eta sentimenduak landuko ditugu antzezpenaren bitartez.”

• NON:                    Donostian, EABren San Bartolome kalexkako lokalean.
• NOIZ:                    Azaroaren 22, 23 eta 24ean. Ostiralean 16:00-20:00, larunbatean 10:00-19:00 bazkaltzeko orduberekin eta igandean 10:00-14:00.
• MATRIKULA:      100€ EAB eta AISGEko afiliatuentzat, 200€ afiliatuak ez direnentzat.
• IZEN-EMATEA:  Epea urriaren 21tik azaroaren 3rartekoa da. Ordaintzeko EPEA azaroaren 4ean irekiko dugu lekua lortu duzuenentzako. PLAZA MUGATUAK.
• BERTAN BEHERA UZTEKO POLITIKA: toki erreserba behin betikoa da ikastaroa hasi baino 15 egun lehenago. Informazio honekin, EABk kurtsoa aurrera aterako den edo ez erabaki dezake. Epe hontatik aurrera egindako kanzelazioak epez kanpokotzak hartuko dira eta tokia beste norbaitekin betetzen bada bakarrik itzuliko da matrikula.

ERREPLIKA ZINEMALDIAN: https://www.sansebastianfestival.com/2024/secciones_y_peliculas/7/728080/es

ZAZPI TERDI: Pello Gutiérrez, David Aguilar Iñigo eta Iñaki Sagastume Zazpi T’erdi izenpean ikusentzunezko generoen nahasketan dihardute. Arreta berezia jartzen diote filmaketa prozesuari eta errealitatearekin duten harremanari. Filmografia: La vía flotante (2019), Zain (2018), Converso (2017), Ozpinaren sindromea (2017), Mara mara (2016), Oírse (2013) edo Nao yik (2011). https://www.zazpiterdi.com/eu/hastapen/